韓國女團SISTAR成員昭宥，噚日係練習時覺得大髀韌帶好痛，於是就到醫院接受治療。

昭宥嘅事務所今日就話為咗唔影響之後嘅活動，所以就安排昭宥係屋企休養。由於昭宥受傷關係，所以佢就唔可以參加KBS綜藝節目《兩天一夜》嘅錄製，事務所亦會優先保證佢嘅治療進行先。唔少粉絲知道呢個消息後都話好心痛，希望昭宥呢幾日好好留係屋企休息，唔好再整親。