休息二十多天，今日小弟再開燈益大家！各大聯賽開始重燃戰火，未講睇法之前，我首先想建議班球員，可以趁今年(法國實行有薪假期七十周年紀念)發起球員，爭取於世界盃及歐國盃前後擁有較長嘅季中及季尾休假。咁踢/睇/估法，唔殘就奇！

估波無上心法有三招

經過三個球季，與身邊拍檔得出估波三大道理！一：必須找到銀行球隊(贏多輸少)、二：估熱門球隊，如車仔，回報率穩定，估弱隊對家都ok！三：切忌花心，宜集中火力鑽研一兩項！至於我呢，獨孤一味鍾意估大細，兩隊波都支持，免傷和氣！
先講德甲，拜仁獨大，還看不來梅、漢堡、04能否挑戰成功。長捧呢四隊主場有着數！
不過頭幾場都係睇定啲，唔好用友賽嘅賽果為準，無得睇，憑空猜測，死得！但係真係要講，不來梅嘅表現都幾好，聯賽盃搞掂拜仁同漢堡，今場作客，我都幾有信心！
至於下周開鑼嘅英超，經過上一季嘅經驗，車仔最常開1:0、2:0波膽，摩連奴好有機會用番呢個策略，而社區盾，表演多於一切。
以波論波，車仔出B隊都夠贏兼預計開細，大家一於支持車仔啦！
商業1台《球迷集中贏》主持周鵬
電郵：[email protected]