「拖手相係double位」同聲同氣
孫耀威、應采兒夾口供露馬腳
蘋果日報 2005/04/29 00:00
亞視前晚舉行「亞洲電視48週年台慶」亮燈儀式，不少藝人均有出席，陳煒與陳法蓉不約而同穿上低胸裝鬥性感，而因拍攝亞視劇集《美麗傳說2星願》而傳出緋聞的應采兒及孫耀威，前晚則顯得十分避忌，不過提到被拍到親密照時，口供卻十分一致。
陳煒、陳法蓉、應采兒及緋聞男友孫耀威等，前晚在亞視總台出席「亞洲電視48週年台慶」亮燈儀式，陳煒與陳法蓉不約而同穿上低胸裝現身，十分搶鏡。陳煒透露近日正忙於趕拍亞視新劇《美麗傳說2星願》，她扮演影射梅艷芳的角色，陳煒說：「成日扮阿梅，我都有啲厭，好想做番自己，所以今晚打扮靚啲出嚟。」
做足預防措施
而陳法蓉則表示已做足防走光措施，她說：「如果走光就顯得冇美感，假如無綫唔嫌我幫亞視拍劇，我都想教啲港姐儀態。」提到同場現身的陳煒亦十分性感，她說：「其實同着幾多衫、同size大細無關，我着得性唔性感，唔係問我，係要問其他人，不過我比較鍾意人哋話我蠢，咁樣會受歡迎多啲。」
應采兒與孫耀威這對緋聞男女前晚顯得十分避忌，孫耀威一直躲避在化妝間，直至亮燈儀式時才出來拍攝大合照，兩人一直保持距離。提到被拍下與孫耀威拖手食晚飯的照片，應采兒否認說：「啲相係double咗位，錯覺，大家拍完劇都少咗見面，係咁我下次搵第二個食飯，自己都好多朋友，既然係宣傳下次小心啲。」
大讚台灣女孩
孫耀威的口供與應采兒一模一樣，他說：「我哋嗰日冇拖手，係double位，本來冇嘢，係你哋搞到好似有嘢，我可能會返台灣避一避，不過我都唔會因為咁減少同佢（應采兒）合作。」問孫耀威與應采兒同場會否尷尬，他說：「你哋唔問呢啲嘢咪唔尷尬囉，大家都係好朋友，唔想太多花邊新聞，希望集中套劇宣傳，唔係緋聞。」孫耀威亦大讚台灣女孩比香港女孩溫柔，而應采兒正好是台灣女孩。
採訪：王崇穎
攝影：陳志嵐
而陳法蓉則表示已做足防走光措施，她說：「如果走光就顯得冇美感，假如無綫唔嫌我幫亞視拍劇，我都想教啲港姐儀態。」提到同場現身的陳煒亦十分性感，她說：「其實同着幾多衫、同size大細無關，我着得性唔性感，唔係問我，係要問其他人，不過我比較鍾意人哋話我蠢，咁樣會受歡迎多啲。」
應采兒與孫耀威這對緋聞男女前晚顯得十分避忌，孫耀威一直躲避在化妝間，直至亮燈儀式時才出來拍攝大合照，兩人一直保持距離。提到被拍下與孫耀威拖手食晚飯的照片，應采兒否認說：「啲相係double咗位，錯覺，大家拍完劇都少咗見面，係咁我下次搵第二個食飯，自己都好多朋友，既然係宣傳下次小心啲。」
孫耀威的口供與應采兒一模一樣，他說：「我哋嗰日冇拖手，係double位，本來冇嘢，係你哋搞到好似有嘢，我可能會返台灣避一避，不過我都唔會因為咁減少同佢（應采兒）合作。」問孫耀威與應采兒同場會否尷尬，他說：「你哋唔問呢啲嘢咪唔尷尬囉，大家都係好朋友，唔想太多花邊新聞，希望集中套劇宣傳，唔係緋聞。」孫耀威亦大讚台灣女孩比香港女孩溫柔，而應采兒正好是台灣女孩。
採訪：王崇穎
攝影：陳志嵐
亞視前晚舉行台慶亮燈儀式，不少藝人均有出席，不過緋聞男女孫耀威（前排左二）與應采兒（前排右二）則刻意保持距離。
（左起）珈潁、馮梓瑩、王慧及舒燕前晚一同出席亞視台慶亮燈儀式。