【沒完沒了】工藤佑采忽然重提「公廁論」 莊思明封嘴:好煩
莊思明樂瞳莊思敏公廁論工藤佑采
莊思敏同阿妹莊思明、樂瞳今日喺銅鑼灣出席護膚品店開幕活動,樂瞳低胸露肩裝上陣,唔小心滑落露出膠紙,要身邊嘅莊思敏幫忙整理,而訪問時莊思敏「高人一等」,佢大方除咗高踭鞋遷就身型嬌小嘅樂瞳,莊思敏仲話羡慕樂瞳呢種「受保護身型」多人鍾意,相反自己表面太野性,嚇怕男仔。
提到莊思明捲入是非,之前因為藝人馮盈盈喺節目上發表「公廁論」,莊思明以「Cheap」字批評,件事本來就已經冇乜人再提,點知落選港姐工藤佑采突然又發文表示撐馮盈盈,仲暗寸莊思明,莊思明亦忍唔住暗示有人抽水,佢今日話:「唔再講嘞,咁樣沒完沒了,費事講,好煩。」莊思敏建議阿妹關閉ig免得再麻煩,莊思明話:「咁又唔會,我鍾意幾時po就幾時po,自己隨心。」問到呢件事會唔會影響思明心情?佢話:「唔會,呢個世界太多嘢要關注。」而大澳出生嘅樂瞳就話中秋節返咗去慶祝,颱風過後冇乜影響,好平靜。
精選娛聞,喺晒《娛果》
http://fb.com/appledailyent
莊思敏同阿妹莊思明、樂瞳今日喺銅鑼灣出席護膚品店開幕活動
樂瞳低胸露肩裝上陣,唔小心滑落露出膠紙,要身邊嘅莊思敏幫忙整理
訪問時莊思敏「高人一等」,佢大方除咗高踭鞋遷就身型嬌小嘅樂瞳
莊思敏仲話羡慕樂瞳呢種「受保護身型」多人鍾意,相反自己表面太野性,嚇怕男仔。
落選港姐工藤佑采突然又發文表示撐馮盈盈,莊思明亦忍唔住暗示有人抽水
大澳出生嘅樂瞳就話中秋節返咗去慶祝,颱風過後冇乜影響,好平靜。