【人走●查梁】大學生一面倒劣評 卻成中年人最愛
梁振英
「自欺欺人」、「狡猾」、「X街」、「不代表香港人」,以上的「負皮」都是特首梁振英上任5年後在大學生心目中的評價。《蘋果》在街頭隨機訪問,為梁特的政績埋單計數,當中大學生對梁振英的評價一面倒劣評。相反,有經歷過三任特首的中年人反稱最愛梁振英,認為他任特首值100分,「畀人鬧得」又照顧民生。
競選時聲稱以「一張凳、一本簿、一支筆」聽取民意的梁特,上任後即消失得無形無蹤。理工大學數碼媒體設計學系四年級生江先生怒斥梁特極速變臉,「畀嬲都廢事…以前好似好企喺香港人嗰邊,家就奶晒共」。理工大學電機工程二年級生何先生更直言「好想佢快啲死」,批評梁特不斷挑起矛盾,「佢越做越差,啲人咪想港獨」。
梁振英任內多次被質疑誠信有問題,剛上任之際即爆出隱瞞大宅僭建,臨下台又被揭利用立法會議員周浩鼎,干預立會調查UGL涉收5千萬巨款。城大心理學系二年級生陳小姐批評,梁特由上任開始誠信一直走下坡,「立法會議員(梁游)被打壓,好多人都猜測佢喺背後做咗好多嘢」,希望梁特「學做返個誠實嘅人 」。
「第一家庭」的一舉一動都在鎂光燈下,去年12月梁特以照顧家庭為由不爭取連任,城大工程系四年級生張小姐認為梁特或許是個好爸爸,但絕非一個好特首,「希望佢管好個女啦,個女就嚟出名過佢」。她批評梁特民望為歷任特首中最差,政綱假大空兼走數,「大家初頭揀佢都係買個希望」。
三任特首由商人、政務官、到專業人士出任,比較之下市民普遍認為董建華表現最好。60多歲王先生認為董建華年代社會較少爭拗,讚揚董凡事親力親為,俗稱「八萬五」房屋政策原意好,「我哋都係有居屋先有樓上」。曾蔭權為首個因涉貪案罪成入獄的特首,王生認為「都係衰在少少嘢啫」,認為他政績已屬不過不失。登記護士陳小姐稱,「其實都無乜邊個鐘意,比較之下認為董建華最好,無佢(梁振英)咁多衰嘢囉」。
曹操也有知心友,有受訪者認為梁振英在三人之中表現最好。莊先生最愛梁特,認為他政績值100分,特別在房屋政策方面照顧民生,「佢又畀人鬧得呀嘛,我知好多人都唔鐘意佢」。家庭主婦盧小姐亦稱,滿意梁特處理雙非問題,認為他的誠信無問題,「因為我只係一個好普通嘅老百姓、小市民,香港穩定已經好重要」。