C朗作為現役收入最高嘅運動員之一，亦都係第一位總收入破10億美元(約77.5億港元)嘅足球員，有部屬於佢嘅私人飛機都唔算出奇。最近就有英媒刊登佢2015買入嘅Gulfstream G200同款私人飛機內籠片段，入面只有十張梳化櫈，每張梳化都係用真皮做嘅。

飛機入面嘅大梳化更加可以變做床，由意大利都靈飛返葡萄牙屋企瞓陣先都可以。呢款私人飛機更加有WiFi系統、焗爐、雪櫃等等，據報佢飛機上嘅衣櫃亦都載滿佢啲靚衫靚鞋。Gulfstream G200有咁多設備加埋全球只係限量250架，所以就盛惠2,000萬歐元(約1.9億港元)，大家都係得個睇字就算啦。