周末（21日）第一場五班1200米泥地，「怡昌福星」出自去年三月香港拍賣會，購入價420萬港元，牠在外地訓練不多，上季插班後跑十場都不上名，輸在未成熟。

過往此駒經常出現慢閘情況，近三星期由莫雷拉試兩次泥閘，出閘後應聲彈出，起步反應敏捷，而末段走勢維持勁度，表現有明顯進步，情況就好似早前跑同程開齋的質新馬「福喜多多」，實力根本大超班。

賀賢今季雖然仲未開齋，但出馬只有八次，而其中六次跑入前五名，今次賽事派六駒參賽，部署佈下強陣，有條件開齋兼起孖。

第三場四班1400米草地，「探險家」周歲時由現馬主以22萬澳元購入，但在澳洲並未曾試閘，上季插班後頭五次上陣，都是超級大冷門，顯然部署寓賽於操，前仗跑同程只是10倍，賽前票數硬淨，結果以勁勢追上跑第二，真正實力被揭開。目前評42分有大把上升空間。

「探險家」上場排外檔起步，前中段留後包尾，轉彎抄大外叠後上，形勢極之惡劣，田泰安的發揮不堪入目。今場改由利敬國策騎，騎練季內合作一次，剛周日（15日）「清新動力」幾乎贏，此駒今仗可以信賴，有力收復前失。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港