當年今日
關於我們

王菀之怨軒仔 咩都唔講佢知

蘋果日報 2013/03/16 06:00

王菀之英皇張敬軒四大唱片香港國際無伴奏合唱團破冰

王菀之噚晚到灣仔伊館擔任「香港國際無伴奏合唱團」表演嘉賓,即場獻唱《留白》和《哥歌》兩首歌,大受觀眾歡迎,雙親亦有捧場。

今次係王菀之第二次做大使,事前亦有秘密練兵,佢話:「喺台上感覺仲驚過紅館開騷,亦都驚過拎金曲金獎,因為唱歌時冇伴奏,但要零瑕疵。」又謂父母嚟捧場令佢好矛盾,一來會好感恩他們支持,但二來就會增添無形壓力。

對於四大唱片公司將與TVB破冰,本月21號更舉行記招宣佈此事,王菀之坦言係好事,亦樂見更多朋友回歸:「破冰好開心,張敬軒都返來,好耐冇同佢合唱,亦冇機會見面,或者可以借此機會同佢破下冰。我同佢個冰厚過TVB同唱片公司,唔係鬧交,只係大家好耐冇見,佢又四圍做演唱會,連傳佢轉會都唔知。」

其實軒仔都離開環球,盛傳將過檔英皇。英皇同TVB咁好朋友,唔使等破冰啦。




「第八屆金話梅電影選舉」又嚟喇。今年除港產片有獎攞,仲增設「最爛合拍片」獎。栢芝憑四套電影入圍「最爛女主角」,應該冇得輸。大家快快投票啦,結果將於4月12日在《蘋果》娛樂版揭曉。

公投網址: http://facebook.com/AppleDailyGoldenPlum