當年今日
關於我們

隔牆有耳:版權傾唔掂TVB要改配樂 - 李八方

蘋果日報 2009/12/25 00:00


無綫電視最近因為音樂版權問題好頭痕,四大國際唱片公司環球、華納、Sony同EMI組成嘅「香港音像聯盟(HKRIA)」大加音樂版權稅,惹嚟無綫不滿,雙方最終要法庭見。原來呢件事牽連甚廣,事關無綫唔少節目所用嘅配樂,版權屬於呢四大國際唱片公司擁有,如果呢幾日無新發展,好多節目要喺元旦起改配樂。
新聞部都係重災區之一,據聞《晨早新聞》、《交易廣場》以至《星期二檔案》等財經、時事節目片頭都用咗聯盟有版權嘅音樂,如無意外需要喺2010年開始改用本地創作音樂;至於大家最熟悉嘅新聞報道「嘟嘟嘟嘟」片頭配樂,因版權非聯盟擁有,可以照用如儀。