NBA美國時間周一晚上就喺紐約曼克頓舉行頒獎禮，位置同舉行Big 3比賽嘅布魯克林好近，所以都吸引唔少球星、名宿入場支持，好似常規賽MVP候選人、火箭後衞夏登（James Harden）就有入場，仲同搞手之一、歌手Ice cube，前溜馬名宿謝倫路斯（Jalen Rose）等合照。

麥堅迪斯（Rashad McCants）大家未必識，佢都係幫帝王、木狼打過4年NBA咁大把，今次代表Trilogy出戰，最大賣點就係佢會着住湖人榜眼朗素波爾（Lonzo Ball） 嘅簽名鞋「ZO2」比賽，呢對由波仔老豆自家推出嘅波鞋，零售價達495美金（約3860港元），朗素波爾一場NBA都未打過，就贊助前NBA球員，認真把閉。