七十四歲的黃培添，勞碌大半生，去年初罹患口腔癌，飽受病魔折騰，須留院接受抗癌治療。日前，他因發燒引致急性肺炎病逝，幼女阿蓮連日來正為亡父的一筆殮葬費奔波，感到彷徨無助。蘋果日報慈善基金撥款紓解遺屬困境。

「爸爸患病之後好辛苦，個口潰爛，食唔到嘢。前排我成日陪佢睇醫生，又打電話同佢傾偈，𠵱家重未接受到佢過身嘅事實。爸爸嘅遺體重放喺醫院，所以我好希望盡快辦妥佢嘅身後事，等佢入土為安。」

不幸患口腔癌
三十六歲孝女阿蓮憂心忡忡地向記者訴說：「呢幾日自己淨係識得喊，只問過殯儀館，得知最基本嘅殮葬費都要萬幾蚊，我哋根本冇辦法籌到呢筆錢……」
黃伯與妻子結婚多年，育有五名子女，各有家庭負擔。體弱多病的他，先後患上心臟病、糖尿病及高血壓，須長期覆診及服藥。去年三月，妻子病逝後，黃伯的健康每下愈況，未幾證實患口腔癌，須入院接受電療及化療。月前，黃伯體內癌細胞不斷擴散，至日前因發燒引致急性肺炎，在醫院與世長辭。
黃伯大半生從事售貨員，退休後靠積蓄維生，節衣縮食過活；閒時，他喜歡親手栽種盆景，既消磨時間，又可把部份盆栽擺街市出售，賺取微薄收入幫補生計。