15歲的富仔早前在家中意外墮樓，頭部重傷昏迷，現留院觀察，母親終日陪伴左右，愁眉不展，父親又失業，家庭經濟陷入困境，富仔母親難以負擔往返醫院交通費及雜費開支，蘋果日報慈善基金撥款相助，解其困境。

「醫生話富仔啱啱過咗危險期，但因為個頭撞得好犀利，所以重昏迷緊，醫生講唔到佢幾時會醒，我見到富仔咁樣，個心真係好難過，每日都趁探病時間嗰2、3個鐘，盡量幫佢按摩吓手腳、抹吓身。」富仔43歲母親阿娟雙眼泛紅地續說：「老公失咗業，呢排靠朋友借錢，至應付到去醫院探富仔嘅交通費，遲啲嘅生活都唔知點算……」

手術後仍然昏迷
日前，富仔在廁所爬出窗外時墮樓，倒卧在大廈平台上，由街坊發現報警送院。意外令富仔頭部重傷，手腳骨折，手術後仍然昏迷，現留院接受觀察。
阿娟一家4口原計劃在復活節假期返內地探親，詎料稚子遭逢意外，夫婦感到十分愕然，連日來更為愛兒的傷勢憂心不已。「之前富仔知道復活節會返鄉下，不知幾開心，我同老公真係唔明白點解會發生今次意外，𠵱家我哋乜嘢都做唔到，惟有希望富仔快啲醒。」阿娟說。
早前，明叔購買了一部電腦給富仔，助他應付學習需要；課餘時，富仔愛玩電腦遊戲機消閒。在阿娟眼中，稚子性格開朗又孝順父母，每天放學準時回家，一向懂得分配溫習功課及玩樂時間，從不用父母操心。
富仔58歲父親明叔歎道：「老師話富仔好投入學校生活，同人相處冇問題，我呢個仔真係好得人鍾意。𠵱家佢出咗事，令我同阿娟好痛心，兼且好擔心冇錢畀醫藥費。」