【菜菜緒點獎勵?】25歲菅田將暉禁慾掃6項影帝殊榮
日本奧斯卡菅田將暉日本電影學院大獎菜菜緒
25歲菅田將暉在台上透露拍攝《啊,荒野》時禁止一切性生活。
有「日本奧斯卡」之稱嘅第41屆日本電影學院大獎已圓滿結束,除了是枝裕和執導電影《第三度殺人》奪6獎成為今屆贏家之外,現年25歲嘅出爐影帝菅田將暉都成為全場焦點,佢憑電影《啊,荒野》再下一城,打敗大泉洋、岡田准一、佐藤健、藤原龍也幾位對手大熱封最佳男主角,其另一主演電影《帝一之國》亦為菅田將暉獲頒話題演員獎。
菅田將暉日前爆出新戀情,與長腿女星菜菜緒發展姐弟戀,更被發現帶女友返寓所斷正。菅田計計埋埋已橫掃多個頒獎禮共6個影帝殊榮,佢噚晚喺頒獎台上大談得獎感受,由於佢喺分成上下兩集嘅電影《啊,荒野》內飾演拳手,菅田表示:「拍攝時要像一個拳擊手一樣要節制飲食、就連性方面都要完全禁止。」自爆為角色一度禁慾。
最佳女主角方面,《鳥獸行》嘅蒼井優都大熱封后,今次佢同舊愛、影帝候選人之一嘅岡田准一同場,不過新婚嘅岡田卻不敵後輩菅田爭輸最佳男主角。
精選娛聞,喺晒《娛果》
http://fb.com/appledailyent