【東京電影節】陳果《三夫》打入競賽組別 姜皓文憑《翠絲》入圍亞洲未來
關錦鵬陳果三夫翠絲東京國際電影節松岡茉優姜皓文
第31屆東京國際電影節將於10月25日至11月3日舉行,選定畢列谷巴(Bradley Cooper)夥拍Lady GaGa新片《星夢情深》(A Star Is Born)成為開幕電影,閉幕電影就係《哥斯拉》(GODZILLA)新作。今日,大會於東京辦記者會宣佈各組別入圍名單,起用上位女星松岡茉優擔任宣傳大使,松岡茉優今天就以一身鮮紅色打扮出席活動,同時公佈由菲律賓名導演Brillante Ma Mendoza任評審主席,而香港導演關錦鵬、日本女星南果步等亦係評審之一。
觀乎主競賽中15部電影佔兩套係日本片,包括前SMAP成員稻垣吾郎主演作品《半世界》,以及今泉力哉執導、成田凌擔正嘅《就是愛》,而香港導演陳果新片《三夫》亦會爭最佳電影。
另外,姜皓文、惠英紅合演港產片《翠絲》入圍亞洲未來,電影係第一部直接以跨性別為題嘅香港長篇劇情片,對於有機會角逐其中獎項,挑戰演跨性別角色嘅姜皓文坦言心情複雜:「因為拍攝時真係用咗好多心機落去,亦都有影響過自己情緒。依家入到一個國際性嘅電影節,真係好開心。」
精選娛聞,喺晒《娛果》
http://fb.com/appledailyent
周潤發、郭富城主演電影《無雙》亦會於東京電影節參展。