教統局終於撤換做咗師訓會主席九年嘅麥列菲菲,換咗教育界較受歡迎嘅程介明做主席,但佢只係答應做住一年先。大家知唔知師訓會係乜?即係師訓與師資諮詢委員會,最出名嘅功績係搞咗語文基準試呢個大頭佛。
教育界老友話,菲菲同教育界關係認真麻麻,當年佢同王永平雙劍合璧,唔聽人勸,結果令六千教師上街遊行。李傑江校長咁勇去參加考試,結果第二年喺「書寫」一卷衰咗,呢卷七百人考得二百人及格,重邊有人敢去考吖!
教統局呢兩年公布基準試成績都遮遮掩掩,連幾多人考足全卷、幾多人全卷及格都唔肯講,𠵱家重話考慮出年連成績都唔公布喎,發揚阿Q精神咩!
傳真︰2623-9278
電郵︰
[email protected]