熱刺沒救了！周日到訪升班馬史篤城，開賽僅18分鐘已有左閘加里夫巴利領紅被逐，整定領隊拉莫斯冇運行。最後史篤城憑多打一人優勢下主場勝2:1，熱刺萬劫不復！
賽前7戰2和5負的熱刺仍受球迷追捧，單W由初盤2.05倍轉熱至1.95倍開賽，大多捧場客心想：「今場反底啩？」豈料，加里夫巴利18分鐘於禁區內踢跌對手，球證直指12碼點的同時，亦出示紅牌將這名熱刺守將逐出場。史篤城由希堅保咸操刀中鵠，爆出51倍「首球」。然而，熱刺於25分鐘又給予「假希望」予捧場客，憑前鋒戴倫賓特建功扳平1:1完半場，仍未宣佈玩完。

8場不勝　輸1:2

可惜，換邊後不久熱刺再度失守，史篤城中場戴納門前射入又領先2:1，最後亦以此比數令熱刺全失3分，其間哥魯卡更兩度被己方門將靴里奴高美斯撞倒，重創離場，賽事一度停頓約10分鐘。熱刺開季8場不勝，領隊拉莫斯已聞魷魚香。
另一場升班馬侯城又再展示神奇球隊一面，英超Big4於上周六過後首次齊齊進佔頭4位；但不足24小時，周日侯城主場憑守將米高端納一箭定江山，以1:0擊敗韋斯咸進佔第3位，將少賽一場的曼聯踢出前4。
畢傑