【中國冰室結業】林雪點最後一碗沙嗲牛麵：呢間茶餐廳先係明星
蘋果日報 2019/12/29 15:28
林雪中國冰室
1964年開業的中國冰室，將於日內結業。杜琪峯電影《PTU》中有幕任達華、林雪、黃卓玲及邵美琪，因為一支失槍，機緣巧合齊集在中國冰室消夜。當年劇組在冰室內拍攝了接近一個月，所以片中飾演「肥沙」的林雪對這間茶餐廳甚有情意結，昨日趁收工後特意到中國冰室開飯，他走上樓上雅座的長枱座位，有街坊即笑道：「肥沙，你搵番支槍未？」林雪笑說：「未呀，仲搵緊。」
林雪點了沙嗲牛麵，其間不停影相打卡，食客亦輪住和他影合照。置身冰室，林雪坦言：「好多《PTU》回憶即刻返晒嚟，嗰時我哋拍咗成個月，我通常都係夜晚9點先開工，等呢度閂門先開始拍，廚房都閂咗，冇得叫嘢食，都係叫外賣。阿杜好鍾意呢啲有香港特色嘅地方，我都有幾部戲喺度拍，呢度嘅牆磚、枱枱凳凳而家都搵唔到喇！仲係保留番以前嘅風味。」
對於屹立旺角半世紀的茶餐廳光榮結業，問到林雪會否很感慨？他說：「其實呢間茶餐廳先係明星，因為香港好多電影嘅畫面都有佢。」他並謂以前拍《PTU》時比現在瘦一半，所以新一年為健康着想，要努力減肥。
林雪最愛沙嗲牛麵
食客輪住和林雪影合照
這一個pose似曾相識
杜琪峯的《PTU》曾在中國冰室取景。（劇照）
林雪發福不少，今年決心減肥。