公民黨黨魁袋巾梁家傑嘅大女Jennifer梁穎翹，雖然畀牛津大學取錄讀法律，但最終都係揀咗做音樂劇演員，仲入圍參演倫敦莎士比亞環球劇場（Shakespeare'sGlobeTheatre）為慶祝莎士比亞450周年冥誕嘅世界巡迴演出，可以演出莎劇《哈姆雷特》(Hamlet)嘅其中一個角色。

英國時間星期六，Jennifer喺英國表演《哈姆雷特》，八方就睇唔到喇，但特登喺美國飛去英國同英女皇賀壽嘅奧巴馬，就睇咗十分鐘表演。表演一完，奧巴馬拍爛手掌，仲對表演讚不絕口，完全唔想畀套劇停咁話。奧巴馬睇完之後就上台同演員們逐一握手，Jennifer同奧巴馬握手嗰陣，仲笑得好燦爛㖭！