日籍男星小林竜介（Lio）上年來港發展，英國長大嘅佢講得一口流利英語，獲安排同香港成員隊友鄧佑剛（Mixx）及李礎業（Keni）組成三人男團R-ice，仲準備今年夏天出碟攻樂壇。

不過23歲嘅小林近日被網民發現曾經喺日本拍GV（同志色情片），雖然佢喺呢段23分鐘嘅鹹片中表示係直男，仲話有女朋友，不過當時21歲嘅小林被一名男子口交及手淫都冇托手踭，而事件上星期曝光後，佢香港嘅Agent公司已立即同佢解約，據知小林已執緊包袱返回日本。

其實，小林拍GV消息上星期開始喺網上流出，小林嘅Instagram仲因而刪埋，繼而驚動到香港呢邊嘅公司。受到小林嘅GV醜聞影響，R-ice嘅大計全部叫停，暫時未知兩位香港成員鄧佑剛、李礎業會否改隊名發展。上年小林以R-ice身份出席書展時，佢身穿龍珠T恤話睇中羅霖嘅性感寫真集，而小林留港期間亦經常夜蒲蘭桂坊，而且對外籍索女情有獨鍾，所以同佢合作嘅香港Agent都話對小林曾拍GV感到意外。