60年代動畫聰明笨伯(THE FLINTSTONES)對很多「現代人」來說相信都有點陌生,但對老一輩的來說,卻絕對能列入經典!而這齣連真人電影版都拍過的經典,最近就加入了LEGO IDEAS行列,在3月1日正式發售。Gadget Guy極速開箱試砌,套裝共有6包LEGO,組裝唔算難,正路個零鐘可以完成。套裝要分石車和石屋兩部份,石車砌法簡單,但造型相當傳神,最重要是有一塊肉塊配件,能令車傾側,重現動畫中的經典場面。石屋為了營造由石砌成的效果,特別地用上很多大小不一的LEGO,以不太規則的方法砌成,砌起來富樂趣和新鮮感之餘,成品亦相當有原著色彩,亦值得一讚。不過不得不提的當然還有董輝和班尼等人的minifigures人仔,造型跟到足,就連肥肥地嘅身形都好似特別夾!另外還有石信箱的一件印上「FLINTSTONES」的特別件,都令這套裝在細節上加了分數。整體來說,這套裝趣味性十足,只係題材未必人人有feel,而有feel嘅,亦都好似間接話畀人知你已經上咗年紀一樣,哈哈哈!