香港電競選手盧子健（Kin），在雅加達亞運電競項目《爐石戰記》為香港贏得第一金，他所屬XGamer的經理人張戩朗(Jeanno)接受《蘋果》訪問時就指，亞運效應更成為市場發展的強心針，去年電競在香港開始興起，預期市場會穩定發展，希望日後可視為正規比賽，最終希望電競納入奧運項目。

Jeanno表示，成立XGamer亦是因為《爐石戰記》：「因為隻game係計積分，高分嘅先可以打世界賽，但當時香港無積分賽，所以先搞比賽方便選手。」而Kin亦是經《爐石戰記》認識，更曾一起組隊參賽。但之後Jeanno成立XGamer後就沒有再玩：「我見Kin同班隊友，每一次參賽都要自己出錢買機票、酒店，我覺得可以幫到手搵贊助，所以就邀請佢哋加入公司。」。

他就指，現時不少品牌都願意贊助選手，「除咗想多啲曝光之外，好多品牌都好支持電競。」Kin現時已有4個品牌贊助，包括電競椅、滑鼠鍵盤、耳機等，比不少藝人還要多，但Jeanno就指公司只會抽贊助費一少部份作日常開支，而日常公司就會以協助舉辦電競比賽作收入來源。

他續指，Kin參加亞運資格賽時是「一日定生死」：「要地區內最高分嗰32個先可有資格入選，最後選8個，香港就屬於東亞區，但最勁嘅人其實已經喺晒依區，好似台灣、日本、韓國咁，競爭都好激烈。」

雖然今屆亞運電競項目屬表演形式，但Jeanno就指各地區選手都十分認真看待：「可以代表一個地區出賽，我覺得係一個好強嘅榮耀感。」Jeanno就指，主要只能從經濟角度支持Kin：「幫手搵贊助、拎曝光，但係參加乜嘢比賽、想拎到咩成績，好多都係需要靠選手自己去諗。」但他指Kin目標十分清晰「就係參加大賽、打到最強」。

記者：梁延宇