當年今日

拒見乖仔散餐女友
謝玲玲:唔想浪費感情

蘋果日報 2008/12/01 00:00


謝玲玲前晚單拖出席喜宴,對於兒子林孝賢不時與女星傳出緋聞,她指兒子是拍散拖,已向他表明固定女友才帶返屋企見家長,以免她錯投感情,也不急飲新抱茶,不過她就十分鼓勵單身的女兒林恬兒快點拍拖。
保良局前總理方劉小梅前晚於洲際酒店娶新抱,不少城中名人都赴宴恭賀,當中包括有鄭明明、鯊魚丸老闆娘陳小寶及林建岳前妻謝玲玲等。謝玲玲表示早前返回台灣,她說:「媽咪有老人病,所以去探佢,嚟緊聖誕節應該會同子女出埠,每年都會同小朋友去玩,自己想去埃及,啲仔女想去陽光與海灘嘅地方。」
empty
謝玲玲指兒子林孝賢(中)近年都是拍散拖。資料圖片
empty
鄭明明剛於上海慶祝生日回來,即趕來飲好友喜宴。
催促女兒拍拖
問到其子林孝賢有否拍拖,謝玲玲說:「佢應該係拍散拖,我已經同個仔講,如果唔係固定女朋友我唔想見,唔想浪費咗啲感情,以前佢細個都有帶個女仔返嚟,𠵱家就冇。」對於兒子不時與圈中女星如鍾欣桐、薛凱琪及傅穎等傳出緋聞,她說:「朋友食餐飯俾人影到,佢同房祖名係朋友,所以咪成日大班朋友。」
問到謝玲玲會否介意兒子與明星拍拖,她說:「呢啲隨緣,嫲嫲好想佢快啲成家立室,我就OK,呢啲係終身大事。」至於其千金林恬兒拍拖狀況,謝玲玲就笑着說:「囡囡咪好似我咁冇拍拖,冇人追,我都想佢拍拖,佢讀完master後幫緊佢爹哋手,不過𠵱家女仔三十幾歲先結婚,佢𠵱家先二十幾歲,仲有時間。」
empty
保良局前總理方劉小梅(左一)長子方仁寬(右二)迎娶會計師女友孔靜,前晚於洲際酒店設宴。
毛玉萍腸胃差
此外,鄭明明則透露剛於上海與好友葉楓互相慶祝生日,問到會否與好友毛玉萍合作做生意,她說:「傾緊,等佢身體好啲,佢都未完全好番晒,腸胃唔係太好,同埋佢都唔喺香港,如果係合作都係過年後。」
採訪:LawWaiMan
攝影:WongWaiHung