當年今日

  立會「四惡女」唔知自己蠢或癡心 - 李八方

蘋果日報 2002/07/10 00:00


女人形象百變,可以溫柔又可以硬朗。噚日立法會講反恐條例修訂,四個女議員──吳靄儀、余若薇、劉慧卿同何秀蘭在記者室見記者。講到政府今次匆匆提法案,呃佢哋努力趕工審議,吳靄儀百感交集,話:「我都唔知我哋係四個惡女人、四個蠢女人,定係四個癡心女人?」
坐在一旁嘅余若薇忽然對「癡心」兩個字好敏感,即刻接口話:「癡心係你話㗎咋!」吳靄儀跟住話:「政府覺得我哋……」余若薇接開口有條癮,又即刻搭嗲:「阻住地球轉!」一唱一和合作無間。其實同一間記者室,一日之前先有七個早餐派「戇男」排排坐見記者,表白會有五票支持政府。估唔到廿四小時後又有四大「惡女人」,坐喺同一間記者室真情表白。
(圖)自稱立法會四大惡女人(左起)余若薇、吳靄儀、何秀蘭、劉慧卿。



傳真︰2623-9278
電郵︰[email protected]