林盛斌(Bob)噚晚同陳逸寧喺尖沙嘴出席電影《毛俠》嘅首映，阿Bob話：「呢套戲係籌款嘅關係，拍嗰陣只係收利是，我覺得成件事都好有意義，所以點都要支持！」講到暑假會唔會去旅行，佢笑住話：「佢哋會全家出國，今次係冚家走晒，到時媽咪同婆婆會同啲細路去加美，我希望可以喺美國join佢哋玩3日2夜，陪吓佢哋玩幾日。」

唔知佢又會唔會擔心拍《美女廚房》搞到肚痛影響行程？佢就話：「係嗰次啫，其實啲美女上嚟好認真，有一個美女啱啱錄都擔心到喊，真係覺得好感動。我哋3個人都越嚟越有默契，私底下都有見面，除咗做節目之外，最好有啲登台、拍劇嘅嘢做吓！」Bob仲話睇到有網民讚佢喺聲浪有改善。

陳逸寧就話以前細個有養白兔，不過好快就走咗，o依家有個小朋友，所以唔打算再養，等個仔大啲先再諗。

精選娛聞，喺晒《娛果》
http://fb.com/appledailyent