人氣韓劇《雲畫的月光》男星朴寶劍係虔誠基督徒，佢從國小三年級開始已經為教會彈鋼琴，同時佢亦曾透露每周日都返教會，亦希望將來另一半同佢一樣擁有同樣信仰。不過佢所屬嘅基督中心教會，曾被韓媒指係邪教，當時朴寶劍就否認自己嘅教會係邪教，亦表示自己只係一個平凡基督徒，咁樣講令佢覺得受傷。

而近日講及邪教嘅OCN劇集《救救我》喺韓國都受到關係，咁啱朴寶劍喺噚日就喺官方Twitter宣傳所屬教會嘅祈禱活動，即時又引起網民反感，覺得佢身為公眾人物唔應該喺官方賬號上宣傳教會活動，覺得咁樣行為會惹人反應，同時會失去粉絲支持，但朴寶劍嘅粉絲就覺得每個人都擁有信仰自由，朴寶劍只係忠於自己教會，所以唔覺得有問。