陳慧嫻與醫生男友謝國麟拍拖近五年，其男友去年九月被踢爆與診所女護士喝酒親熱，但慧嫻仍與男友出雙入對，直至最近傳出二人感情亮紅燈。慧嫻前晚於荃灣演出《荃家心繫祖國．慶回歸十載倒數活動暨第七屆華語音樂傳媒大賞》時，直認與男友因性格不合，兩周前已協議分手，現待男友搬離愛巢，便正式分開。

僅餘102磅

久違的慧嫻前晚透露已簽約鄭家純旗下的國際娛樂公司，計劃年底在紅館開個唱及出唱片，只見她身形比前消瘦，她謂現在102磅，高峯期曾達124磅，問她是否為情消瘦，慧嫻說：「唔係，我轉咗隻焦慮症嘅藥，冇再狂食嘢啫。」問到分手打擊有否影響其病情，慧嫻謂不覺得分手對其情緒有影響，她說：「分手唔係一下子，係拍咗幾年發覺兩個人唔夾。」
對於是否因男友花心導致分手？慧嫻聞言表現激動並維護男友，她咬牙切齒地說：「佢唔係花心，點解佢係花心？佢真係唔係花心，佢嗰日同姑娘傾公事，大家飲咗啲酒，啲相有人做手腳，我唔去查喇，總之有啲動作係姑娘主動，之後嘅嘢係猜測，我熟識嘅醫生，飲完酒後只想瞓，唔會做大家猜測嗰樣嘢，呢件事影響唔到我哋。」

感情真空期

慧嫻強調與男友分手還是朋友，她否認男友當年對她隱瞞已婚事實，二人分手也非因對方有子女，她說：「我都有同佢仔女見面，佢哋有同我講嘢，應該接受我。」她表示雙方對分手也感可惜，被問到誰主動提出，她停一停再說：「我提出，一路發現大家作息、工作性質都唔同，佢唔了解娛樂界，要求我好似OL，普通女仔咁，唔夾係好早發現，佢要嘅人唔係我呢種。」
慧嫻又謂要澄清近年不是為了醫生不工作，她也沒有全面收山退休。現在的慧嫻對愛情還有憧憬嗎？她說：「我18歲同區丁玉拍拖後，感情一段段咁落，都冇真空過，我𠵱家鍾意一個人，仲有八隻貓要養，細個怕寂寞，原來身邊有人但唔夾，寂寞感會更加強。」
採訪：李珮洳
攝影：陳偉權