壞消息突然同一時間湧現，先有歐豬意大利10年期債息屢創新高，隨時要步希臘後塵，向歐盟求救，另又傳出美銀可能要減持建行（939），影響投資氣氛，加上溫總話要持續打壓內地樓市，A股都終止連日嘅升勢。受消息拖累，港股噚日尾市跌勢轉急，收市跌164點，險守10日線水平，後市唔排除要下試萬九點呢個好淡分水嶺，要撈貨可考慮有政策支持嘅石油石化股。
早排有內地官方傳媒報道，新成品油定價機制，容許油企有限度自行調節，對於煉油業務連年虧損嘅中石化（386），絕對係好消息。與此同時，GIC上月底亦大手掃入中石化，呢間新加坡投資旗艦最近無寶不落，中石化後市可看好高一線。
中石化第三季賺202.22億銀人民幣，雖然按季倒退1.5%，但都好過市場預期，噚日收報7.97元，升0.6%，戰友可候7.65元吸納，目標升一成，跌穿7元止蝕。
唐牛