日本漫畫《頭文字D》瘋魔車迷，漫畫主角非凡駕駛技術令人羨慕，有「學神」對自己駕駛技術沒有甚麼信心，擔心考車牌「肥佬」，希望多點練習，「我每天到機舖操練『頭文字D』，對考車牌有幫助嗎？」

這名署名「Phoenix」網民自稱頗為「手緊」，不能花太多錢補鐘，故才想或許可以透過打機練習，就好像考飛機師執照，也要利用模擬駕駛艙練習。這個想法雖然有點怪異，但原來試過打機練考牌的大不乏人，「Evolution6」表示，正式學車考牌前有多年打賽車遊戲經驗、「頭文字D」、「灣岸高速」等駕輕就熟，「因為我打得機多，所以知道同真正揸車唔同，考到牌之後冇打過機，𠵱家操練真車。」

建議練習揸巴士

另一網民「yuenlong」是飄移迷，由於香港缺乏練習場地，故他也是藉打機操練，「我都係打『頭文字D』練甩尾，練得好辛苦。」「sdnsdn」則說賽車遊戲路面情況像真度低，建議「Phoenix」改用揸巴士遊戲練習，「呢種game係要守交通規則玩嘅遊戲，要喺交通燈位停，又要打指揮燈，雖然操控同真車好唔同，但好過冇。我練咗一輪，之後一次過考到牌。」
「Camij6152」諷刺這學神「學錯師」，「你考牌時甩尾、踩盡油門唔收油入彎，個考牌官一定畀你唔合格！」Jeff_Lee鼓勵他不要放棄，「唔好衰畀人睇，畀心機打機，日日操練『頭文字D』，記得考牌嗰日通知我，我一定同你打氣。」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]