羅鷹石1951年協議與家族成員分家，分得3萬元，繼續做布疋、染料貿易生意，經濟環境改善，但慳儉性格不改，留下來的錢，後來轉型做地產。「第一批喺港島區買咗三塊地，都係西環：吉席街、爹核士街、山市街。一塊一塊咁買，是我去簽名，起樓都係用我個名」。

「文件都係我簽名」

「當時所有文件都係我簽名（為甚麼？）我都唔知道！可能當時好唔安全，用我個名，賣樓有唔妥、蝕左、坐監，都只係捉我。我係咁諗！」羅老太笑說。後來鷹君在工業區如青山道、油塘及葵涌興建工業大廈，大部份以金字命名，如金盟、金龍、金玉。到70年代，轉為興建高級住宅，如西貢的滿湖新邨、干德道鷹君花園；1972年鷹君上市，1978年購入灣仔地皮，建成鷹君中心，成為集團總部。
早年，華資地產商之間關係密切，彼此同聲同氣。羅老太就與剛剛退休的李嘉誠熟稔。「嗰時我哋同李嘉誠合作，佢仲未結婚，後生仔，起樓時由李嘉誠代表莊家（李嘉誠外父莊靜庵）嚟開會。當時錢唔多，一個項目要夾十份外股。」至今羅老太和李嘉誠仍有聯絡，「佢叫我做『阿悟』。你知點解嗎？（靚女？）唔係， 『阿悟』即係伯娘！」商界一直傳言，今次鷹君爭產事件，李嘉誠有從中替世交調停。