當年今日
關於我們

【暫停DUO騷】見毛如見盧凱彤? 陳奕迅直認未放低

蘋果日報 2018/12/12 18:52

盧凱彤陳奕迅duobandDUOFamily

陳奕迅(Eason)同DUO團隊其中5位成員王雙駿、恭碩良、孫偉明、蘇德華及翁瑋盈今日現身廣州,為經歷6年時間錄製而成嘅eason and the duo Band《L.O.V.E.》專輯舉行發佈會,活動先播出眾成員講出對DUO Family感覺嘅短片,大會更將佢哋編制成足球隊,由王雙駿與Eason雙領隊領軍,而佢哋更將以往DUO巡迴時後台邊踢毽耍樂環境搬到台上。Eason坦言幸得有班儍人陪自己一齊完成呢件好玩嘅事,完成專輯後有種失落,唔知下一步做啲咩,Eason話:「阿妹(盧凱彤)走咗,已經唔完整,有人問DUO幾時再做,我覺得暫時唔會,it's not the same,再做都係紀念音樂會,唔會再出第二隻碟。」專輯已經喺網上發行,實體碟將於21日發售,呢個日子亦係DUO巡迴結束6週年。
發佈會首播孫偉明與盧凱彤(Ellen)寫嘅新歌《海裡睡人》,MV以動畫表達,由Ellen拖住Eason遨遊飛翔,最後Ellen飛上天遺留一片羽毛,MV播放完畢,再上台嘅Eason發現地上有一片剛才踢毽時留下嘅羽毛,佢執起同台下DUO Family指阿妹嚟到,之後Eason攞住條羽毛影大合照。
終於完成專輯,Eason直認不捨,雖然已入紙下年紅館跨年檔期,但仍未知結果,佢話:「若果唔批就順延,唔會再等一年到2020年尾跨年。」問到搶期最大勁敵是否謝霆鋒?他笑說:「我冇聽過佢講會開,唔緊要,可以一齊做,一係梅花間竹做,或者將紅館間開前後一齊開騷鬥大聲。」Eason坦言首要是構思個騷內容。
見到台上羽毛係咪感覺到Ellen也有到來,Eason微笑話:「我當係,當我未放低,都唔會放得低,好似之前開騷,華哥(蘇德華)彈到第4首(Ellen首作品)支結他就有事,跟住就要換Ellen支結他彈,但之後十幾首歌又冇事,我自己就覺得件事好正。」Eason指MV中女仔原本係着白裙,但後來改咗背心長褲,感覺更似Ellen。
稍後再派專輯第7首歌上台,Eason未知專輯製作費係咪以往一倍,但一定過百萬,問到會唔會有信心回本,佢話:「我只會諗付出,都搵咗咁多,要洗啲出去,回本嘅唔諗,最緊要留低有品質、有意義同有價值嘅作品。」
精選娛聞,喺晒《娛果》
http://fb.com/appledailyent
empty
Eason表示見到台上嘅羽毛,就感覺到Ellen也有嚟到現場
empty
Eason表示盧凱彤走咗後,DUO已經唔完整
empty
MV播放完畢,台上就發現有一片剛才踢毽時留下嘅羽毛
empty
Eason話幸得有班儍人陪自己一齊完成一件好玩嘅事