母女雙亡｜女死者常買報紙食茶記 街坊：「唔同人講嘢傾偈 叫佢都唔應」
蘋果日報 2020/12/14 14:11
兆康苑兆暉閣雙屍
屯門兆康苑兆暉閣昨揭發母女雙亡的慘劇，81歲姓蕭年邁母親與53歲姓葉女兒同住相依為命，疑母親因年老病發失救而死，患精神病兼自閉女兒卻未有求助，伴屍多日，最終昏迷送院俱亡。有附近報檔及茶餐廳老闆表示，以往不時見事件中的葉女到報檔買報紙及到附近茶餐廳食早餐，「外表都幾正常，但就唔同人講嘢傾偈，叫佢都唔應人。」
兩母女若要由所居住的兆暉閣前往商場，必會途經上址一個報檔，該報檔負責人梁先生今晨對《蘋果》表示，這幾天都沒有見過葉女，以往她總會在報檔買份報紙，「就咁放低錢，唔會同人溝通。」買報紙後葉女便會光顧茶餐廳，然後返家。他形容葉女高大有少許胖，外表正常斯文，「但人哋叫佢都唔應人，而阿婆（蕭婆婆）就好少見到。」
茶餐廳老闆娘梁太則說，以往兩母女曾一起到茶餐廳進食，「佢哋唔會與人傾偈，乜嘢食都會叫啲。」惟近數月已沒見蕭婆婆，收緊限聚令後，亦未有再見葉女，最後一次見是十多日前，「通常朝早見佢哋，唔講嘢，感覺係不善與人溝通。」
8旬蕭婆婆兒子早前獲保安員通知上址單位傳出異味，他昨日（13日）前往探望母親及妹妹卻發現大門反鎖，拍門無人應，於是報警。警方及消防趕至破門而入，發現兩母女分別倒卧於客廳及睡房，其中8旬母已當場死亡兼屍身腐爛，有精神病的女兒亦告昏迷，送院搶救後同告不治。
兩母女曾光顧的茶餐廳，老闆娘指兩人都不與人傾偈溝通。
昨晚9時許，仵工身穿全副保護衣物，在單位內抬走八旬女死者遺體。
-----------------------------
你敢爆，我敢獎！ 立即WhatsApp 《蘋果》24小時爆相爆片熱線 或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！