【苦練成功】謝安琪為MV練習武功：打到傷了胸骨都不知道
蘋果日報 2019/08/09 15:43
謝安琪麥浚龍武打場面
- 謝安琪為了打得好看，傷了胸骨都不知道。
- Kay感謝Juno的信任。
麥浚龍（Juno）與謝安琪（Kay）早前為新歌《廢話》拍攝MV，兩人繼四年前的《羅生門》後再合唱。MV中，他們繼續飾演董折與浦銘心的故事，除了破格的一人一字對唱，又加入打鬥及舞蹈場面。
為了MV中的武打場面，Kay練習了兩個月，直言到拍攝前一刻亦未有信心：「有一幕我要一腳踢走Juno叼住嗰枝煙，武術指導即場做最後示範嗰陣，都唔係一試就成功，搞到我好緊張，好彩最後順利完成。」為了打的好看，Kay打到傷了胸骨都不知道，Juno感謝她的投入和信任。
由於MV同時是廣告宣傳片，身為導演的Juno，亦加入舞蹈代替打鬥場面：「因為係廣告，打嘅部分真係要小心處理，我加咗漫畫入面好常見嘅『風位』同小符號，又融入了舞蹈影像，令成件事冇咁沉重。」
至於為何董折與浦銘心經常打鬥？Juno笑言是對典型男性主義的幽默：「大世界有很多既定嘅觀念，好似男女打鬥，女性一定係退縮同弱勢嗰方，又或者女權就等於事業有成但孤獨嘅女人，我想打破呢啲諗法。」他指何不把董折與浦銘心寫成高手過招、惺惺相惜，女性亦可以很瀟灑。