民主黨副主席羅致光睇個樣好鬼cool，但佢同八方講，自己以前做過唔少話劇，大學三年級重演過一個冷面殺手角色，最後重要殺埋自己嘅助手。佢記得當時面試時，導演話佢有酒凹，唔適合做；於是二十幾歲仔嘅羅致光，就留鬚，等自己睇落老成啲。
羅致光噚日好好傾，佢講番讀英皇書院時，曾經同校長有牙齒印。羅致光話，佢當時係做校報總編輯，刊登一篇批評學校嘅文章，校長因而想炒佢，但成班工作人員話要集體辭職，搞到校長都冇佢哋符。
羅致光又話，校長後來想cut資源，佢就立即抄港大條橋，將英皇品牌做產品賺錢，於是又過到骨，校報因而有錢繼續運作。


E-mail：[email protected]