試過減肥減到抑鬱嘅鄭欣宜，放下包袱唔再理人哋點樣睇佢嘅身型，重拾自信肥有肥靚，之前仲唱咗兩首歌《你瘦夠了嗎》同《女神》，成為「肥人之光」繼續做番開心果。

嚟緊欣宜終於有回報，月中可以開個人演唱會，今日凌晨佢貼咗張準備排舞嘅相，佢換上一件鬆身衫同緊身褲，但最犀利嘅係，佢喺塊大落地玻璃鏡都拉筋，仲瞓喺地下成功做出一字馬，呢個老江湖動作真係唔容易做到。

欣宜為咗個騷真係出盡力，佢留言話：「為咗要Good Show你願意去到幾盡？」仲打咗幾個tag「#拉筋之苦」、「#就爆的褲」，不過睇嚟佢都未熱身夠，做完個一字馬佢已經攤咗喺度嗦晒氣。