賴：前騎師賴維銘
記：記者吳文輝

記：以前馬匹要備戰季初賽事，試閘絕對是不可或缺，不過現在馬季比過往短得多，好多馬都無試閘便跑，你認為會否有影響？

賴：練馬師都想自己馬匹有好狀態出賽，試閘當然係好方法，不過你所講現在唞暑時間短，馬匹7月中跑完，到9月初又出賽，其實同無唞暑沒有分別。

今日（8日）沙田第三場五班1400米的「依斯堅」就係一個例子，此駒上季尾開始穩步上揚，上季最後一仗配潘頓，原本都有相當大的爭勝機會，可惜排檔欠佳，五班馬匹匹都材料有限，唔蝕得太多，結果只能嘅第三。

「依斯堅」小休三星期復課，並無安排試閘，不過仍算積極，上星期由潘頓出試一課彈草閘，末段一畀跳出快時間，走勢相當吸引，今勻排7檔形勢好，本身有進步，未出頭之馬係時候交代。

記：上期你介紹嘅半冷馬「三圓䮭路」跑第二，表現唔差，今次又有無半冷心水提供？

賴：不妨留意最尾第十場三班1400米「酷比仔」。此駒來港首季已贏馬，質素甚高，可惜受健康問題所累，曾經兩度流鼻血，加上居於第二班長期面對強手，成績因而未能更進一步。

「酷比仔」上季尾落三班，唞暑前一役入直路無位，望空後隨即有唔錯反應，雖然只跑第六，但睇得出有起色。

早前牠試閘起步反應敏銳，薛恩撳實之下有唔錯追勢，狀態不俗，對手非特別強，薛恩騎功好，值得一博。

--------------------------------
想唔想知自己財運、事業、愛情會點？參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此