現年50歲嘅龔慈恩，年輕時迷倒唔少異性，15年前佢嫁咗俾台灣演員林煒，之後就生咗長女林凱鈴（Ashley），日前龔慈恩帶埋14歲嘅Ashley一齊出席首映，亭亭玉立、身材高瘦、眉清目秀兼且遺傳埋媽咪嘅美人胚子，Ashley嘅報道出咗街之後，唔單止讀者朋友眼前一亮，Ashley亦因為報道感到驚訝。

龔慈恩噚晚喺微博分享咗幾張囡囡Ashley嘅靚相，見到呢幾張相，令人諗起嘅就只有「青春真可愛青春，珍惜你光陰似金……」或者4個字：「青春無敵」，而微博上嘅朋友都回應指Ashley遺傳到良好基因，得到父母優良遺傳。而龔慈恩亦喺微博留言：「愷鈴對今天媒體關於她的報導感到驚訝，同時也非常感謝﹗Thanks」

相中嘅Ashley清純自然，某啲表情同角度，更加同媽咪龔慈恩極為相似，相信有唔少廣告商或者片商對Ashley都感興趣，不過龔慈恩就話阿女仲細，對於入唔入娛樂圈仲係好遠嘅事，先讀好書，裝備自己，好似寶珠姐都有話：「應心向書本，努力發奮，若令時候空過，他朝你便怨恨。」