鍾意賭馬的朋友，這個星期認真過足癮，除禮拜一（17日）外日日有馬賭，提到這個雅士谷賽期全球匯入彩池，首日完成後馬會已發稿，熱烈宣佈單日投注額升了三成多，但今次有這麼多條海外水喉射住，有咩可能唔升？

那些年筆者曾想過移居英國生活，貪日日行落外圍莊家投注站都有馬賭，靠這樣贏一餐半餐就掂，但經過年月洗禮，發覺如當賭馬為職業而不靠運氣搭夠，要日日賭根本不夠時間做好分析，腦筋也沒有足夠唞氣位。

問過這幾天皇家雅士谷賽期也不放過的戰友，暫時都是輸多贏少，長追莫雅、戴圖理稍有得諗，跑大賽畀心機度馬算有機會食吓雞糊，但賭出馬多的讓賽，根本同買大細無大分別，睇賽果也冷到出汁，就算外圍莊家也判不準！

不妨再溫馨提示，周日（23日）香港馬才是主打，馬迷緊記預留注碼應付這「地獄賽程」最終回。

雖說潘頓近三次仍有馬贏，但夾埋只贏四場兼有多匹熱門跑到Q腳不保，一班潘頓擁躉其實也在經歷「地獄賽程」！周中停火期回氣，據報道一哥騎師去咗海南島充電，期望今戰轉勢復見光明。

第五場四班1200米「閃電俠」，對上兩次配田泰安走位論盡馬迷皆見，但依然交出良好追勢，周日由潘頓接手，有力叩開勝關。
-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX