港股越跌越深，除有業主減價出貨外，有代理更指，個別買家於股災前入市，只付細定，將原用於支付首期的資金炒股，博撈底一心想短炒賺一轉，豈料股市進一步插水，頓時坐艇，若稍後股市反撲無力，有可能無錢完成交易，隨時落得撻定下場。

首期投股海原盼賺一轉

有將軍澳區地產代理指，樓市暢旺，炒家紛紛入市，更有不少投資者趁股市大跌，撈底博反彈，炒股和炒樓雙線發展，惟港股似無止境地跌，如意算盤打不響。「有個客，只付3%細定，原要再繳付7%的定金，就攞咗去炒股，𠵱家炒燶咗，分分鐘無錢完成交易，隨時要撻定」。
該經紀更指，投資者同時炒股及買樓情況十分普遍，不過，一旦股市繼續插水，或波及樓市，到時買家無錢完成交易，隨時爆撻定潮，或平賣走貨，對樓市肯定造成衝擊。
不過，中原地產營業董事譚桂貞表示，將軍澳買家同時炒股和買樓的個案不算多，由於買家多較有實力，短炒不多，加上看好後市，相信爆撻定潮的機會很微，暫時亦未見有恐慌性拋售，或劈價出貨情況。