日本諧星渡邊直美近年成功殺出血路，佢靠搞笑形象走紅藝能界，而且喺圈中越來越有影響力，靠佢肥嘟嘟身形，亦深得觀眾愛戴，上年仲成為Instagram最多追隨嘅日本明星，渡邊直美仲不時上載露肉照，早前仲以24小時直播形式公開自己生活，由開工場面到休息時間，更全裸上陣，直播浸浴嘅重口味露股鏡頭，結果狂吸300萬網民收睇，打破肥婆難有出頭天嘅定律。

眼見渡邊直美咁成功，日本豬扒二人組「加餸俱樂部」都唔執輸，今年開始行性感，仲為成人雜誌拍下肉騰騰寫真，不過當地網民反應唔止冇話反胃，仲讚佢哋好可愛。

其實「加餸俱樂部」近年活躍公仔箱，當中成員稻尾真季都非常出位，早前喺節目上同中居喺鏡頭前親熱，結果被中居粉絲發死亡恐嚇。