台灣導演蔡明亮憑執導電影《郊遊》,於香港時間9月8號凌晨1點左右,一舉摘下第70屆威尼斯影展嘅「評審團大獎」,該獎項是僅次於最高榮譽金獅獎嘅第二大獎。蔡明亮於台上致詞時,感動得嗚咽起來。
喺台上,向向評審團主席貝魯托奇講ILoveYou,之後話: 「多謝評審團,我這部電影很難可以得到任何獎項,因為電影非常慢,多謝評審為電影停下來。我很開心,在我不會太長的人生,有一群人陪我慢下來。多謝兩個國家,台灣及法國。」
蔡明亮日前曾表示,《郊遊》將會係佢嘅告別作: 「我對拍電影這件事很倦怠。」 記者會上,蔡明亮大談得獎感受,再被記者問到是否決定「息影」?蔡明亮就表示唔知上天點安排,又笑謂唔會違抗上天旨意, 但係最好唔好再安排佢拍電影,因拍電影好攰。
蔡明亮又表示,自己嘅電影,好慢亦都好美,最希望帶俾大家信息係重新思考電影,人生及生活的速度。
之前蔡明亮曾講過話電影係為演員李康生而拍,問佢有咩想同李康生講?佢話: 「他是我最了不起的演員,這條路很長,在我身邊也賺不到錢,亦不會常演到觀眾喜歡類型的角色,不過他沒有離開,我相信他這張常在我鏡頭下的臉,會是電影史上非常重要的一張臉。」 之後二人握手。再問蔡明亮得獎後最想做乜嘢?蔡大導笑笑口謂:「睡一覺!」再問李康生又有乜嘢心聲想同導演講?喺附近嘅陸奕靜就笑李康生:「講ILoveYou.」