講得係宅男女神，唔係娜姐、VivianLaw、媽媽Mia呢啲呀！我哋目光要放遠啲，衝出香港呀！佢，靠網絡走紅，作風率性自然，男女通殺；佢，上年喺台灣年度新宅男女神票選活動，拎過第一；佢，擁有嘅31E極級導彈直情炸到啲宅男頭都暈！佢，就係人稱「阿喜」嘅台灣性感女星，林育品！

唔好睇佢o依家咁鬼弗，原來佢曾經都肥過…體重都高達130幾磅。不過喺忍受唔到之下，佢日日跑一粒鐘，成功減磅！最近仲做埋呢個女性跑步活動嘅大使添！講到最深刻嘅跑步經驗，佢就話有次喺小學操場跑步，跑跑下突然有個中年怪伯伯走到好近佢。阿喜當然驚啦，特登都調轉頭跑，但阿伯照跟，嚇到半死嘅阿喜惟有一支箭衝返屋企！對於今次做大使，佢就話好緊張，因為呢排少咗跑步喎。不過有你呢個性感尤物陪跑，跑咁快做乜呢！