關心妍(Jade)、關菊英、林欣彤(Mag)同Mag前男友羅孝勇等,今日喺柴灣出席耆英饑饉活動。
Jade表示只飲咖啡打底,菊姐就坦言唔餓得,佢話:「我血糖低唔餓得,所以平時都有袋定糖。」早前佢喺紀念張耀榮演唱會上唱出《講不出聲》,被指係影射爭家產風波,菊姐話:「我無乜留意,嗰日見到(大)張太有問候佢,心情無乜嘢。」
記者原本要求Mag同羅孝勇一齊做訪問,但佢公司英皇拒絕,Mag話:「我自己OK無問題,頭先有同佢傾計,佢有問我幾時出碟。」又強調兩人見面冇尷尬。至於新男友有冇齊齊饑饉?佢話冇要求對方捱餓,有心做善事就會自行參與。