【新增回應】

日本大阪今早發生強烈地震，氣象廳將震級由5.9級上修至6.1級。有當地港人表示地震驚醒，形容震感強烈，「個心好似玩機動遊戲咁離一離」，部份新幹線列車停駛，地震令早晨上班時間交通大受影響(新聞連結： https://bit.ly/2ylSQAE )。

商台DJ小儀、衛志豪、台灣藝人金剛正於大阪附近的姬路進行拍攝大台節目《街坊廚神》，小儀於今早10時30分，即於社交網ig向報平安，佢留言話：「我們街坊廚神在兵庫縣西南部的姬路拍攝，今早有感覺到地震，我們這地區震度是4級，的確有點恐怖，但我們都安全，不用擔心。我們拍攝繼續進行中！祝願大阪各人平安！」

而《蘋果》剛剛亦聯絡到於日本姬路嘅小儀，佢話：「我哋安全，全部冇事，我哋呢邊冇大阪咁嚴重，因為我地離開大阪都一段路，好遠嘅！所以冇事，放心」。問小儀行程會否受阻或要改變？佢話行程沒有受阻 不會改變 本身去姫路同鳥取，唔會去大阪嗰邊！據了解姬路距離大阪約兩小時車程，小儀指姬路嘅地區震度屬4級。

而小儀稍後時間亦有再更新社交網站報平安，話自己見到雙彩虹，仲開心到跳舞拍片，有唔少網民都留言叫佢小心。

精選娛聞，喺晒《娛果》
http://fb.com/appledailyent