日本女歌手KyaryPamyuPamyu（KPP），一向形象百變，對於佢嚟講日日都好似萬聖節咁，早幾日佢出席汽水萬聖節活動時就扮BettyBoop，令在場人士大為驚喜，而KPP噚晚上節目《MusicStation》，更加扮成英國殿堂歌手DavidBowie個經典Look，相當特別。不過，到咗今日萬聖節正日，KPP反而去咗派垃圾袋。

今日KPP喺東京鐵塔附近出席萬聖節環保活動，佢一身打扮反而十分正常，由於近年東京好流行萬聖節，但過節後周街都好多扮完嘢嘅廢物，因此，KPP就呼籲大家愛護環境，用垃圾袋袋好啲垃圾，佢仲派發一啲好可愛嘅南瓜垃圾袋畀粉絲，有男粉絲仲扮到一件蛋糕咁去見KPP㖭。