韓國女團T-ara前成員花英跟孿生家姐孝英是非多多，年初時翻炒T-ara是非，又被爆曾威脅前隊友雅凜，因而惹來網民抨擊，花英亦因而無得拍新劇《青春時代2》。不過花英及孝英就懶理是非，近日如常於Instagram公開新性感相。

日前孝英於Ig公開跟花英穿上小背心及超短褲睡衣嘅合照，二人於鏡前大擺甫士晒腿，非常性感。照片公開後立即引來熱烈討論，有網民留言指到依家都分唔到邊個係花英，邊個係孝英，亦有人留言「冇好形象嘅姊妹」。