現年31歲嘅Morning娘前成員後藤真希喺2014年同圈外男友閃婚，並喺2015年12月為丈夫誕下長女，今日佢再喺社交網站公開喜訊，現時正懷第二胎，預產期係明年春天。

後藤真希日前一家三口參加Morning娘舊隊友嘅哈囉喂派對，原來現時已經有喜，佢今日透過網誌宣佈將再為人母：「由於胎兒已經進入安定期，所以向大家宣佈我已懷第二胎，現時已懷孕五個月，預產期為明天春天。現時肚一日比一日大，對家裏再添新成員感到無比喜悅。」