【處女寫真集出貨12萬】19歲長濱禰留拍水着寫真 倒米自言冇睇頭
欅坂46長濱禰留
日本偶像界已經大執位,唔止乃木坂46氣勢如虹界,身為師妹組合嘅欅坂46都同樣威水。欅坂46嘅19歲成員長濱禰留今年人氣急升,最近推出返回家鄉長崎縣五島列島取景嘅首本個人寫真集《這裏開始》,今日佢更於東京舉行見面會。
長濱禰留嘅處女寫真集反應理想,出版社更首批出貨12萬本,比起師姐乃木坂主將白石麻衣暢銷寫真集《passport》首批出貨有過之而無不及。
年紀輕輕嘅長濱禰留早前到五島列島取景五日四夜,佢回憶首次拍水着寫真感到十分尷尬,當佢今日被記者問到自己身上邊個部位最值得留意時,佢坦言:「沒有。」而長濱又形容今次寫真集有510分,佢解釋因為510就是五島嘅相近發音。