韓國人氣親子綜藝《超人回來了》男星宋一國，喺噚日播出一集，帶住三胞胎大韓、民國同萬歲去驗眼，點知就得到一個壞消息。

喺檢查結果發現，大仔大韓就有近視，細仔萬歲就有散光，而二仔民國視力就好正常，而醫生就解釋話三胞胎嘅視力問題，有可能係因為受到父母嘅遺傳，之後宋一國就話自己有青光眼，而且眼内壓高，之前雖然收到診斷，但一年都冇去醫院做檢查，隨後佢就即席驗眼。

點知，醫生就話佢視力情況非常嚴重，一定要接受治療，如果唔係，有好大可能會盲。醫生：「由顯微鏡上面睇，你嘅視角神經已經有80％處於損傷狀態，詳細嘅要再做檢查，但可以確定嘅係，你有20%嘅視角神經已經處於完全損傷嘅狀態，如果唔接受治療，喺5至10年内會有失明嘅危險，但如果接受治療，至少可以維持30年。」

聽到自己嘅情況之後，宋一國即時受到衝擊，表現難過。