張建聲、陳嘉莉、松岡李那及鄒文正今日在旺角街頭貼海報為電影《作家的謊言：筆忠誘罪》宣傳。張建聲表示原裝海報太血腥及性感，被港鐵及巴士拒絕申請：「嗰張係松岡全裸，然後有把刀咁樣嘅，我哋都唔想影響人，所以好明白，而家貼呢幾款海報就冇問題。」

他坦言由於是首次擔任監製，感到很大壓力，尤其碰上近日社會氣氛不好：「撞正呢個事件，大家心情都好沉重，大家都冇心機入戲院，一定會影響票房嘅。大家都以生活行先，我好明白，我哋每發一個post都好緊張，其實我哋好關心香港，唔想刺激香港人嘅心情，但我自己係演員又投資咗，從做生意角度，我哋都想賺錢架。」

問他會否覺得出師不利？張建聲認為每齣電影都有自己的命運：「我哋用心做咗，睇過嘅朋友都畀正評，之後嘅嘢就交畀個天。冇理由呢個時候仲大肆慶祝架，不過唔好要我輸咁多啦，我都要食飯。」他解釋日前在首映上情緒激動，只因近日看了太多新聞：「當時記者問我點樣謝票，我覺得謝乜鬼？咁嘅氣氛下，有冇人睇都唔知啦，總之希望香港人舒服平安就夠啦。」女友陳嘉莉坦言擔心張建聲很大壓力：「佢都唔係好瞓到，大家都好緊張，最近個人都唔係好舒服。」

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多