【本報訊】今屆文憑試狀元及榜眼在回歸後出生，未受過港英殖民政府管治。對於是否支持港獨，聖保羅男女中學男狀元李朗軒、同校女狀元鄧惠慈以及拔萃女書院榜眼李樂詩三人異口同聲，主張先理解港獨聲音的原委。
李朗軒希望香港在2047年維持現時的自主權、言論及集會自由，並形容港獨不切實際。他續指，過去多年沒人提出港獨，香港近年應是發生了某些事情，港獨聲音才會出現，「政府應該從呢方面去着手」；李樂詩則認為政府應解決根本問題，例如「起多啲屋」，又形容港獨較激進，「冇乜可能發生」；但同校的榜眼麥昭瑜則指港獨雖不可行，但仍「理解有港獨呢個諗法」。

超級狀元：冇乜留意

拔萃女書院超級狀元林莉雯則稱「冇乜留意（政治）呢方面」，對港獨議題不予置評。九龍民生書院狀元梁冠康以港獨議題「太敏感」為由不回應，僅強調特首應解決社會矛盾和撕裂。
梁續指，中港關係雖密切，但「香港始終係講廣東話嘅地方」，故不支持普教中，又指國民教育需「改良」，減少「洗腦」內容。鄧惠慈則不諱言「中國係我哋嘅祖國」，縱有研究指普教中對教學成效未見顯著，但「身為一個中國人（用普通話）都更加容易同內地人溝通」。
■記者楊桂銣、何家朗、葉偉東